SEM logo

SEM logo

SEM logo

Olíu­verzl­un Íslands legg­ur góðum mál­efn­um lið næstu vik­urn­ar með verk­efn­inu Gef­um & gleðjum. Næstu þrjá föstu­daga munu 5 krón­ur af hverj­um seld­um eldsneyt­is­lítra hjá Olís og ÓB renna til Stíga­móta, Styrkt­ar­fé­lags krabba­meins­sjúkra barna og Sam­taka end­ur­hæfðra mænu­skaddaðra. Á milli jóla- og ný­árs mun síðan Slysa­varn­ar­fé­lagið Lands­björg njóta góðs af verk­efn­inu með sama hætti og í fyrra.

Þetta kem­ur fram í frétta­til­kynn­ingu frá Olís. Þar er vitnað í Sig­ríði Hrefnu Hrafn­kels­dótt­ur, fram­kvæmda­stjóra smá­sölu­sviðs hjá Olís sem seg­ir fyr­ir­tækið telja það sína sam­fé­lags­legu skyldu að leggja góðum mál­efn­um lið.

„Olís hef­ur und­an­far­in ár styrkt með mynd­ar­leg­um hætti fjöl­mörg verk­efni sem áhrif hafa haft á sam­fé­lagið okk­ar hvort held­ur sem um ræðir fé­laga­sam­tök eða íþrótta­fé­lög og því vilj­um við halda áfram. Með því að dæla eldsneyti næstu föstu­daga á Olís eða ÓB stöðvum geta lands­menn all­ir lagt sitt af mörk­um til að styðja við þessi fé­lög. Við vilj­um með þessu verk­efni sýna að fyr­ir­tæki geta lagt sitt af mörk­um og hvetj­um við önn­ur fyr­ir­tæki til að gera slíkt hið sama," er haft eft­ir Sig­ríði.

Þetta er annað árið í röð sem Olís legg­ur góðum mál­efn­um lið með verk­efn­inu Gef­um & gleðjum en á síðasta ári nutu Styrkt­ar­fé­lag barna með ein­hverfu, Mæðra­styrksnefnd, Neist­inn, Styrkt­ar­fé­lag hjartveikra barna, Geðhjálp og Slysa­varn­ar­fé­lagið Lands­björg góðs af verk­efn­inu en þá söfnuðust yfir 10 millj­ón­ir króna fyr­ir fé­lög­in.

Sig­urður K. Páls­son, markaðsstjóri Olís, Gréta Ingþórs­dótt­ir, fram­kvæmda­stjóri SKB, Arn­ar Helgi Lárus­son, formaður SEM sam­tak­anna, Kar­en Linda Ei­ríks­dótt­ir, ráðgjafi hjá Stíga­mót­um, Gunn­ar Stef­áns­son, skrif­stofu­stjóri Lands­bjarg­ar, og Sig­ríður Hrefna Hrafn­kels­dótt­ir, fram­kvæmda­stjóri smá­sölu­sviðs hjá Olís.

SEM samtökin | Sléttuvegi 3 | 103 Reykjavík | Sími: 588 7470 | Tölvupóstfang: sem@sem.is

Skrifstofan er opin þriðjudaga og fimmtudaga frá kl. 13:00 til 15:30 Símsvörun alla virka daga frá 13:00 til 17:00

Kennitala: 510182-0739  Reikningsnúmer: 0323 26 001323