SEM logo

SEM logo

SEM logo

Efni: Afstaða breytinga/frestunar á byggingarreglugerð.

Herra: Sigurður Ingi Jóhannsson

Þann 16. apríl 2013 tóku breytingar á byggingarreglugerð nr.112/2012 gildi.Þar á meðal með einhverjum breytingum hvað varðar aðgengi fyrir fatlaða og þá sem nota hjólastóla að staðaldri. Helstu breytingarnar eru þær að í nýju reglugerðinni eru útskýringar eða orðalag hvað varðar aðgengismál mun skýrari og erfiðara er að mistúlka og fara framhjá reglunum líkt og hefur verið gert síðustu áratugi.

Með því að breyta byggingarreglugerðinni með þeim hætti að hér væri hægt að byggja ódýrara og lélegra húsnæði sem myndi bara henta hluta þessa samfélags, værum við að fara að minnsta kosti 4 áratugi aftur í tímann.

Read more ...

Stjórn SEM hefur samþykkt frá og með 1. september 2013 að styrkja félagsmenn SEM að hámarki Kr. 20.000 á ári til líkamsræktar.

Til að fá styrknum úthlutað þarf félagsmaður að hafa greitt félagsgjöld síðastliðið ár, skila inn greiðslukvittun og fylla út umsóknareyðublað sem hann fær á skrifstofu SEM. Seinna verður hægt að nálgast umsóknareyðublöð á heimasíðu www.sem.is. Umsóknum skal skila á skrifstofu SEM þar sem þær verða svo teknar fyrir á næsta stjórnarfundi og samþykktar uppfylli þær framangreind skilyrði.

Einnig minnum við á að sjúkraþjálfun á Grensási mun bjóða upp á líkamsrækt fyrir fólk með mænuskaða í vetur. Sjúkraþjálfarar leiðbeina og aðstoða í tækjasalnum. Tímarnir eru á mánudögum og miðvikudögum

Stjórn SEM 

Read more ...

Fræðslufundur um notendastýrða persónulega aðstoð (NPA)

og sjálfstætt líf fatlaðs fólks

Laugardaginn 7. september, kl. 10 - 14 í húsnæði NPA miðstöðvarinnar í Nýsköpunarmiðstöð Íslands, Keldnaholti, Grafarvogi

Við hvetjum fatlað fólk, aðstandendur, fagfólk og sveitarstjórnarfólk til að mæta

Fundurinn er fyrst og fremst ætlaður íbúum, starfsfólki og sveitarstjórnarfólki í Garðabæ, Kópavogi og Hafnarfirði.

Arna Sigríður Albertsdóttir

Tveir SEM-félagar unnu það afrek að ljúka heilu maraþoni (42,195 km) í Reykjavíkurmaraþoninu 2013. Arna Sigríður Albertsdóttir var í handknúnum þriggja hjóla stól með keðjudrifi og lauk keppni á tímanum 2:35:55 (2 klst, 35 mín og 55 sek) en Arnar Helgi Lárusson var á þriggja hjóla keppnisstól með drifhringjum og fór á tímanum 2:56:15. Arnar Helgi LárussonÍ fyrra fór Arnar Helgi heilt maraþon á venjulegum handknúnum hjólastól með drifhringjum og fór þá á tímanum 5:08:28.

Að ég best veit var það í fyrsta skipti sem mænuskaddaður Íslendingur fór í heilt maraþon. Áður hafði nafni minn Jón Heimir Sigurðsson (lést 2008) farið í hálft maraþon á þriggja hjóla stól (venjulegum hjólastól með einu framhjóli).

Jón Sigurðsson

Ég var að hlusta á útvarpið þar sem ég heyrði viðtal við Svan Guðmundssson formann félags Leigumiðlara og ég ætlaði ekki að trúa því sem ég heyrði. Svanur heldur því fram í þessu viðtali að t.d aðgengi hjólastóla í fjölbýlishúsum og blokkum sé að halda uppi byggingarkostnaði hér á landi og svo hæðist hann að því að hjólastólar þurfi að mætast á göngum fjölbýlishúsa og að þetta væri bara lúxus sem við höfðum ekki efni á. Með þessum litla fróðleiksmola Svans, sem er með öllu rangur er hann að gera lítið úr þeirri áratuga baráttu um aðgengi hjólastólanotenda . Margar skýrslur og greinagerðar eftir mun beittara fólk en Svan hafa bent á að ef aðgengi fyri hjólastól er haft með í för frá upphafi hönnunar fjölbýlishúsa, þá eykst byggingarkostnaðurinn varla um krónu eða óverulega. Og bara svona til að benda Svani á, að þá er meðal hjólastóll um 70cm á breidd og til þess að mætast þarf þá 150 cm. Hvað skildi vera langt síðan að það hefur verið byggt fjölbýlishús með mjórri gangi en það? Fólk sem er að koma í viðtöl á opinberum vettvangi ætti svo að hafa snefil af vitneskju um hvað það er að tala.

Virðingafilst

Arnar Helgi Lárusson

Formaður SEM

 

Hér má hlusta á brot úr viðtalinu: 

{play}http://www.sem.is/images/hb.mp3{/play}

 

Hægt er að nálgast viðtalið í heild sinni hér

Aðalfundur SEM var haldinn þann 5. Júní 2013. Fráfarandi formenn Jón Eiríksson SEM og Haraldur H-SEM gáfu ekki kost á sér áfram og þökkum við þeim ásamt öðrum fráfarandi stjórnarmönnum fyrir vel unnin störf og bjóðum nýja stjórn velkomna til starfa.

Arnar Helgi Lárusson var kjörinn formaður SEM, Rúnar Björn Herrera gjaldkeri, Jóhann Rúnar Kristjánsson ritari, Arna Sigríður Albertsdóttir meðstjórnandi, Agnar Ingi Traustason meðstjórnandi, Hákon Atli Bjarkason meðstjórnandi og Víðir Þorsteinsson situr frá fyrra ári. Í varastjórn voru kosin Kristín Sigurðardóttir og Viðar Árnason.

Í H-SEM tekur Arnar Helgi Lárusson við sem varaformaður. Kosnir voru Jón Eiríksson meðstjórnandi, Árni Geir Árnason meðstjórnandi, Danival Þórarinsson meðstjórnandi og Egill St. Fjelsted varamaður. Frá fyrra ári sitja Rúnar Björn Herrera meðstjórnandi, Ágústa D. Guðmundsdóttir varamaður og Jóna Sigríður Marvinsdóttir varamaður.

 

Góðan dag kæru vinir,

Nú í sumar eru ennþá nokkrar vikur lausar í Litla Skyggni, sumarbústað SEM. Ef þið hafið áhuga á því að breyta um umhverfi og koma ykkur í rólega sumarsælu þá skulið þið endilega senda póst á This email address is being protected from spambots. You need JavaScript enabled to view it. eða hingja í síma 588-7470 og panta einhverja af eftirfarandi vikum.

7-14 júní
14-21 júní
16-23 ágúst
23-30 ágúst

Vinir SEM fá vikuna á aðeins.....

Read more ...

Aðalfundur  S.E.M. og H-S.E.M. verður haldinn miðvikudaginn 5 júní 2013 í salnum í S.E.M. húsinu að Sléttuvegi 3 og hefst kl 19:00

 

Fundarefni.
  • Venjuleg aðalfundarstörf.
  • Önnur mál.

Read more ...

Norræni mænuskaðadagurinn er haldinn síðasta föstudag í apríl ár hvert. Til þess að vekja athygli á málefnum mænuskaddaðra var ákveðið á fundi í NORR* í Helsinki í júní 2008 að semja sérstaka yfirlýsingu vegna norræna mænuskaðadagsins.

Mænuskaði (mænuáverki) veldur yfirleitt varanlegri fötlun með lömun og skyntapi fyrir neðan áverkasvæðið í mænunni. Hár mænuskaði veldur lömun bæði í efri og neðri útlimum og er kallaður fjórlömun (tetraplegia) en mænuskaði í mittishæð veldur eingöngu lömun í neðri útlimum (paraplegia). Áverkinn á mænunni getur ýmist verið alger (alskaði) eða að hluta til (hlutskaði). Auk lömunar og skyntaps fylgja mænusköðum oft ýmis önnur líkamleg, sálræn og félagsleg vandamál. Fyrir utan slys geta ýmsir sjúkdómar einnig valdið skemmdum á mænu með svipuðum einkennum.

Read more ...

 

Þann 26 apríl n.k. er Norræni Mænuskaðadagurinn og í því tilefni ætlar SEM að bjóða félagsmönnum sínum til veislu í salarkynnum sínum að Sléttuvegi 3 kl 19:00. Jóna Marvins mun sjá um kræsingarnar og við hin um að skemmta hvort öðru.

Ef þú hefur áhuga á því að mæta, gleðjast og njótar matar og drykkjar í góðum félagsskap þá þarf að tilkynna það til skrifsstofu SEM í síma 588-7470 eða með tölvupósti á This email address is being protected from spambots. You need JavaScript enabled to view it.  fyrir 24 apríl.

Makar eru velkomnir.

Sýnum okkur sjálfum stuðning og mætum á OKKAR degi.

Nei, við erum ekki ein á báti. Á netinu má finna fjöldamörg félög með vefsíður með margs kyns upplýsingum. Kíkjum fyrst á norræn félög mænuskaddaðra sem mynda saman félagið NORR (Nordiska ryggmärgsskaderådet):

Read more ...

Veist þú hvað þú átt að gera ef þú kemur að slysi? Það getur bjargað mannslífum að vita rétt skyndihjálparviðbrögð

Hreyfihömluðum einstaklingum er nú boðið upp á skyndihjálparnámskeið. Á námskeiðinu verður farið yfir alla þá þætti sem varða skyndihjálp og fólk fær að æfa sig. Námskeiðið miðast við að hreyfihamlað fólk fái sérhæfðar leiðbeiningar sem það getur nýtt sér lendi það í aðstæðum þar sem skyndihjálpar er þörf. Það skiptir engu hver hreyfihömlunin er, hverjum og einum leiðbeint sérstaklega út frá eigin hreyfifærni.

Read more ...

SEM samtökin | Sléttuvegi 3 | 103 Reykjavík | Sími: 588 7470 | Tölvupóstfang: sem@sem.is

Skrifstofan er opin þriðjudaga og fimmtudaga frá kl. 13:00 til 15:30 Símsvörun alla virka daga frá 13:00 til 17:00

Kennitala: 510182-0739  Reikningsnúmer: 0323 26 001323